Librería Galí
Esta libraría foi fundada por José Galí Camps en 1872 en Santiago de Compostela, no local da rúa do Vilar onde se mantivo, practicamente sen cambios, até 2006, cando pechou as portas definitivamente.
A libraría, que xa tiña algún título editado antes da Guerra Civil, vai manter unha certa actividade editorial a partir da década de 40 arredor dun reducido catálogo de obras, sobre todo en español. Entre estas, cabe subliñar un título, La casa de la Troya (auténtico best-seller da época), que conta con 19 edicións no período.
O seu labor editorial en galego é moi limitado. Con todo, cómpre subliñar que a súa edición de Cantares Gallegos é a primeira que se publica na Galiza no período de posguerra.
Obras publicadas (ordenación cronolóxica, alfabética dentro do mesmo ano)
- El diagnóstico precoz del embarazo, Carlos Colmeiro Laforet, 1940
- Cantares gallegos, Rosalía de Castro, 1941, 3ª ed. 1974
- La Casa de la Troya: estudiantina, Alejandro Pérez Lugín, 1941, 65ª ed. 1943, 66ª ed. 1953, 67ª ed. 1957, 69ª ed. 1965, 73ª ed. 1967, 74ª ed. 1968, 75ª ed. 1969, 77ª ed. 1971, 78ª ed. 1972, 82ª ed. 1973, 83ª ed. 1974, 84ª ed. 1975
- La Virgen del Rocío ya entró en Triana: novela póstuma, Alejandro Pérez Lugín, 1943
- Manual de cartas de amor y amistad, Mari-Carmen, 1948
- La cocina práctica, Picadillo, 1972, 1ª ed. 1961
- Cauce desnudo, Mariluz Villar Otón; Jesús Rial Varela, 1974